Наста Лойка: Торцік для суддзі (відэа)
Праваабаронца Наста Лойка. Фота: Валеры Руселік
За год толькі праз адміністрацыйныя судовыя працэсы праходзяць блізу 60 тысяч беларусаў. Праваабаронцы зладзілі маніторынг, каб ацаніць адкрытасць і галоснасць судовых пасяджэнняў у Мінску. Як адрэагавалі на гэта старшыні судоў?
“Апошнім разам мы наведалі трох суддзяў у Доме правасуддзя. Гэта старшыні судоў Кастрычніцкага, Ленінскага і Партызанскага раёнаў. Яны вельмі адрозніваваюцца па манеры ўспрыняцця інфармацыі і тым, як вядуць размову. Двое з трох станоўча ўспрынялі наша даследаванне, дзякавалі, паабяцалі ўлічыць нашы рэкамендацыі”, – распавядае правабаронца Наста Лойка.
Гэтыя суддзі цікавіліся і канкрэтнымі эпізодамі – напрыклад, калі падсудныя носяць суддзям торцікі.
“Адна ж суддзя фармальна выслухала і параіла нам звярнуць увагу на тое, як маладыя людзі ходзяць у суд, як яны апранутыя – у шортах і гэтак далей. Быў намёк, што мы, можа, не тым займаемся”, – кажа праваабаронца.
