Вячаслава Сіўчыка выклікалі ў міліцыю

Старшыню Руху Салідарнасці “Разам”, які нядаўна вярнуўся ў Беларусь, Вячаслава Сіўчыка хочуць апытаць па факце падзеяў 19 снежня 2010 году. Спачатку яму патэлефанавалі  з Цэнтральнага РУУС Менска. Аднак палітык адмовіўся, паколькі не давярае мабільным званкам. 30 верасня ўвечары стала вядома, што яму прынеслі афіцыйную позву з патрабаваннем з’явіцца ў РУУС Цэнтральнага раёна Менска 1 кастрыстрычніка ў 17-00, для „разгляду справы аб адміністрацыйным правапарушэнні, прадугледжаным арт.23.34 КаАП Рэспублікі Беларусь.”

Нагадаем, што 30 верасня ў судзе Цэнтральнага раёна Менска аштрафавалі  адразу чатырох палітыкаў за ўдзел у мітыну і пікеце 16-га і  23-га  верасня.