Дырэктар гімназіі ў Лунінцы адмаўляе, што абавязаў сваіх работнікаў збіраць подпісы за Лукашэнку

Віталь Каліноўскі, сябра ініцыятыўнай групы ў падтрымку вылучэння кандыдатам у прэзідэнты Таццяны Караткевіч, паведаміў, што дырэктар мясцовай гімназіі Аляксандр Грушэўскі абавязаў увесь персанал падпісацца за Аляксандра Лукашэнку, а таксама раздаў падпісныя лісты кожнаму, каб яны сабралі па месцы жыхарства па 16 подпісаў. Аляксандр Грушэўскі – сябра ініцыятыўнай групы дзеючага кіраўніка краіны Аляксандра Лукашэнкі.

Сам Аляксандр Грушэўскі катэгарычна адмаўляе гэтую інфармацыю і сцвярджае, што ўсе подпісы збірае сам і нікога не абавязваў ні да падпісання, ні да збору подпісаў.

“Праваабаронцы за свабодныя выбары”