Магілёўскую журналістку Аліну Скрабунову выклікаюць у міліцыю

Сёння, 21 ліпеня, міліцыянты завіталі на кватэру, дзе пражывае Аліна Скрабунова. Яны выпісалі ёй позву ў РАУС Ленінскага раёна на сёння ў 16-30. Супрацоўнікі міліцыі паведамілі журналістцы, што на яе заведзена адміністрацыйная справа, і ў пазначаны час дзяўчына будзе азнаёмлена з матэрыяламі справы.

Аліна Скрабунова пакуль не ведае, у чым яе абвінавачваюць, але не выключае, што адміністрацыйная справа можа быць звязаная з яе прафесійнай дзейнасцю. Журналістка кажа, што цягам апошняга месяца міліцыянты наведваліся да яе знаёмых і родных, у якіх распытвалі, чым яна займаецца і ці мае дачыненне да вырабу тых ці іншых інфармацыйных матэрыялаў.