Гродзеншчына: не ўсе сайты выканкамаў аператыўна інфармуюць пра выбарчы працэс

   З 1-га па 19-га ліпеня ў рамках кампаніі па выбарах Прэзідэнта Рэспублікі Беларусь у раённых адміністрацыях адбываецца прыём дакументаў па вылучэнні прадстаўнікоў у склад тэрытарыяльных камісій. Аднак на афіцыйных сайтах раённых выканкамаў Гродзенскай вобласці інфармацыя пра гэта ёсць не ўсюды і яна не аператыўная.

Так, на сайце Астравецкага і Гродзенскага райвыканкаму ў рубрыцы “Выбары 2015” няма ніякіх звестак пра гэты этап выбарчай кампаніі. А на афіцыйным сайце Смаргонскага райвыканкаму асобнай рубрыкі, прысвечанай выбарам, адшукаць увогуле не ўдалося. На некаторых сайтах такія банеры і інфармацыя з’явіліся 7-га-8-га ліпеня.

“Праваабаронцы за свабодныя выбары”