“Станцыю Харкаў” наведаў Камісар Еўрасаюза Ёханэс Хан
Камісар Еўрасаюза Ёханэс Хан падчас сустрэчы "Станцыі Харкаў"
19 чэрвеня арганізацыю “Станцыя Харкаў” наведаў Камісар Еўрасаюза па еўрапейскай палітыцы суседства і перамовах па пашырэнні Ёханэс Хан. Пра гэта паведамілі беларускія валанцёры, якія дапамагаюць перасяленцам “Станцыі Харкаў” у межах Праваабарончай гуманітарнай місіі ва Украіне.
“Зранку "Станцыю "Харкаў» наведала мнагалюдная дэлегацыя Еўразвязу, на чале з Еўрапейскім камісарам Ёганэсам Ханам. Спадар Хан падрабязна паразмаўляў з кіраўніцай “Станцыі” Евай Гукалавай ды валанцёркай Надзеяй Рындзінай, а таксама з жанчынамі-перасяленкамі ў прыёмнай залі”.
Як паведамляе “Усходні карэспандэнт”, 18 чэрвеня еўракамісар сустракаўся з Прэзідэнтам Украіны, Пятром Парашэнкам. На сустрэчы Ёханэс Хан заявіў, што ЕС прадаставіў Украіне дапамогу ў 150 мільёнаў еўра на вырашэнне гуманітарных праблем.
Падрабязней пра надзённую працу валанцёраў можна даведацца ў раздзеле“Праваабарончая Гуманітарная Місія ва Украіне” на нашым сайце, альбо на старонцы місіі ў Facebook
