Зміцер Салаўёў: "Праблема палітвязняў у краіне - сістэмная. Гэта канвеер" (відэа)
Зміцер Салаўёў. Фота Радыё Свабода.
11 чэрвеня адбылася прэзентацыя друкаванага выдання "Хронікі беларускіх палітвязняў", распрацаванага у межах дзейнасці сайта palitviazni.info і Праваабарончага цэнтру "Вясна".
Падчас мерапрыемства каардынатар праекта Зміцер Салаўёў распавёў, што сайт з сабранай інфармацыяй пра палітвязняў узнік у 2011 годзе, пасля прыцягнення да крымінальнай адказнасці шматлікіх людзей па "справе Плошчы". Потым валантэры ініцыятывы сталі сабіраць інфармацыю пра ўсе выпадкі крымінальнага пераследу, пачынаючы з 1989 года - са справы Алеся Пушкіна за перфоманс з палітычным падтэкстам.
Праз пэўны час такая ж інфармацыя была сабраная і выдадзена ў папяровым выглядзе.
"Людзей прыцягваюць па крымінальных артыкулах за іх грамадзянска-палітычную дзейнасць. Наша мэта - сабраць усё разам, каб было зразумела, што гэта сістэмная праблема, што гэта канвеер. Колькасць палітвязняў залежыць ад палітычная сітуацыі ў краіне", - адзначыў Зміцер Салаўёў.
