Правабарончая Гуманітарная Місія ва Украіне: У валанцёраў - папаўненне
Валанцёры за працай
Яшчэ два беларускія актывісты - Ян Дзяржаўцаў і Леанід Аўтухоў далучыліся да валанцёрскай працы ў складзе Правабарончай Гуманітарнай Місіі ва Украіне, якая ўжо тыдзень дзейнічае ў Харкаве.
10 чэрвеня валанцёрскі цэнтр грамадскай арганізацыі «Станцыя Харкаў» зраніцы быў напоўнены перасяленцамі, якія прыйшлі для атрымання гуманітарнай дапамогі (памперсы для дзяцей, наборы прадуктаў і адзення). Беларускія праваабаронцы-валанцёры праводзілі анкетаванне сярод перасяленцаў з зоны АТА наконт працы "сабесаў" у розных раёнах г. Харкава. Часам перасяленцы дзяліліся сваімі праблемамі з нагоды працаўладкавання, бюракратычнай цяганіны (напрыклад, неабходнасцю атрымання даведак з зоны вайсковых дзеянняў), высокіх цэнаў за здымнае жытло. Вядома, пошук жылля — гэта самая асноўная праблема, паколькі яно дарагое, а грошай ва ўцекачоў, як зазвычай, небагата, гэтак жа як і магчымасцяў знайсці працу.
Дзеці, бацькі якіх атрымлівалі дапамогу ў цэнтры «Станцыя Харкаў», з задавальненнем бавілі час з беларускімі валанцёрамі за чытаннем кніжак, маляваннем ды размовамі.
З канкрэтнымі справамі беларускіх валанцёраў можна знаёміцца ў раздзеле “Праваабарончая Гуманітарная Місія ва Украіне” на нашым сайце, альбо на старонцы місіі ў Facebook
