Псіхіятрыя і правы чалавека ў Рэспубліцы Беларусь: прэзентацыя міжнародных экспертаў
Прэзентацыя «Псіхіятрыя і правы чалавека ў Рэспубліцы Беларусь: заканадаўства і практыка» з удзелам экспертаў з Беларусі, Польшчы і ЗША адбудзецца ў Беларускім дом правоў чалавека імя Барыса Звозскава 28 траўня.
У рамках прэзентацыі будзе прадстаўлена інфармацыя аб актуальнай сітуацыі з выкананнем правоў чалавека ў галіне псіхіятрыі ў Беларусі: заканадаўства, правапрымяняльная практыка, асаблівасці беларускай рэальнасці. Таксама будуць прадстаўлены рэкамендацыі, падрыхтаваныя міжнароднымі экспертамі.
Прэзентацыя «Псіхіятрыя і правы чалавека ў Рэспубліцы Беларусь: заканадаўства і практыка» стане завяршальным мерапрыемствам міжнароднай практычнай сустрэчы юрыстаў, праваабаронцаў і экспертаў у галіне псіхіятрыі, арганізаванай Беларускім домам правоў чалавека ім. Б. Звозскава (Літва), Хельсінкскім фондам па правах Чалавека (Польшча), Амерыканскай асацыяцыі юрыстаў (ЗША). У працэсе сустрэчы ўдзельнікі і эксперты абмяркуюць сістэмныя праблемы, звязаныя з выкананнем правоў чалавека ў галіне псіхіятрыі ў Беларусі, практыку функцыянавання розных дзяржаўных інстытутаў і ўстаноў і галоўныя праблемныя вобласці з пункту гледжання захавання стандартаў у псіхіятрыі ў Беларусі.
Удзельнікамі дыскусій стануць юрысты і праваабаронцы-практыкі, якія маюць досвед працы з сітуацыямі парушэнняў правоў чалавека ў псіхіятрыі, а таксама псіхіятры-практыкі, якія ацэньваюць рэальную сітуацыю з іншай, прафесійнай перспектывы.
На прэзентацыю запрашаюцца юрысты, праваабаронцы, а таксам іншыя зацікаўленыя асобы.
Месца і час: Беларускі дом правоў чалавека ім. Б. Звозскава (Vilnius, Latako 3), 28 траўня. Пачатак у 13 гадзін.
