Агляд-хроніка “Вясны”: год 2014 (PDF-версія)
Агляд-хроніка “Сітуацыя з правамі чалавека ў Беларусі ў 2014 годзе”
Сітуацыя з выкананнем правоў чалавека на працягу 2014 года заставалася стабільна цяжкай з тэндэнцыямі да пагаршэння. Парушэнні правоў насілі сістэмны і сістэматычны характар: асноўныя грамадзянскія і палітычныя правы насілі скрайне абмежаваны характар, ніякіх сістэмных зменаў у галіне выканання правоў чалавека ў краіне не адбылося. Гэтыя высновы змяшчаюцца ў чарговай Агляд-хроніцы “Сітуацыя з правамі чалавека ў Беларусі ў 2014 годзе”, якую штогод рыхтуе і выдае Праваабарончы цэнтр “Вясна”. Аўтарам і ўкладальнікам агляду з’яўляецца праваабаронца Таццяна Рэвяка.
Агляд-хроніка падрыхтаваная на падставе аглядаў сітуацыі з правамі чалавека ў Беларусі за кожны месяц 2014 года і ўключае аналіз важнейшых падзеяў, якія ўплывалі на выкананне правоў чалавека за дадзены перыяд, а таксама найбольш яўныя і характэрныя факты і тэндэнцыі парушэнняў правоў чалавека.
Традыцыйна, агляд-хроніка дапаўняецца блокам міжнародных дакументаў, рэзалюцый і заяў праваабарончых арганізацый, а таксама падборкай фотаілюстрацый.
Акрамя друкаванага выдання на беларускай і англійскай мовах, праваабаронцы таксама прэзентуюць і PDF-версію Агляд-хронікі «Сітуацыя з правамі чалавека ў Беларусі ў 2014 годзе» [16 Mb] і яе англійскі варыянт: «Situation of Human Right in Belarus in 2014» [16 Mb]
