У Брэсце хочуць прыцягнуць да адміністрацыйнай адказнасці яшчэ аднаго незалежнага журналіста
Ляўчук Алесь
18 снежня сябры ГА “БАЖ” Алесю Ляўчуку патэлефанаваў супрацоўнік міліцыі, які прадставіўся ўчастковым Ленінскага РАУС г. Брэста Андрэем Кажэнкам.
– Міліцыянт зазначыў, што хоча апытаць мяне датычна інтэрв'ю, якое я браў 24 лістапада ў цэнтры горада, – паведміў журналіст службе маніторынгу ГА “БАЖ”.
– Ён такама распавёў, што супраць мяне адкрыты адміністрацыйны працэс, але пратакол нібыта “гуляў” па розных РАУС ужо тыдзень і толькі цяпер дабраўся да ўчастковага, – дадае Ляўчук.
Пасля гэтага міліцыянт паабацяў асабіста прывезці пратакол да незалежнага журналіста.
Паводле словаў Алеся Ляўчука, у той дзень (24 лістапада) ён цікавіўся меркаваннем жыхароў Брэста і проста збіраў інфармацыю, таму не бачыць нагодаў для нейкага адміністрацыйнага працэсу супраць сябе.
