Баранавічы: Статкевіч-старэйшы атрымаў ананімны ліст з пагрозамі

Бацька палітвязня Мікалая Статкевіча, які адбывае зняволенне ў магілёўскай турме № 4, Статкевіч Віктар Паўлавіч 8 верасня атрымаў ананімны ліст з пагрозамі ў свой і адрас сына Мікалая і яго жонкі.

– Гэты ананімны ліст я знайшоў у сваёй паштовай скрыні. Тэкст напісаны невядомай рукой і вялікімі літарамі. Аўтар ананімкі паведамляе, што калі Мікалай выйдзе з турмы, то яго заб’юць. Асноўны змест ліста – гэта пагрозы сыну Мікалаю, майму жыццюі ў адрас жонкі Мікалая Адамовіч Марыны, – паведаміў Статкенвіч Віктар Паўлавіч.

88-гадовы Статкевіч-старэйшы, які жыве адзін у Баранавічах, мае намер пісаць заяву ў міліцыю.