Алесь Бяляцкі: Беларуская турма як мадэль беларускай дзяржавы (відэа)
Праваабаронца Алесь Бяляцкі ў пражскай студыі Радыё Свабода. 4 жніўня 2014
4 жніўня Алесь Бяляцкі наведаў студыю Радыё Свабода ў Празе. Старшыня Праваабарончага цэнтру «Вясна», былы палітвязень, літаратуразнаўца, пісьменьнік, намінант на Нобэлеўскую прэмію міра 2012 і 2013 году стаў госьцем праграмы «Свабода бяз гальштукаў».
Роўна тры гады таму, 4 жніўня 2011 года, ён трапіў за краты. За гэты час зьмяніўся Бяляцкі ці краіна, у якую ён вярнуліся? Чаму былыя беларускія палітвязьні па вызваленьні не становяцца моцнымі палітычнымі лідэрамі? Якія творы турэмнай літаратуры варта ўключыць у школьную праграму? Чаму ў турме добра пішуцца кнігі? Ці варта нацыянальнай эліце замест палітыкі сканцэнтравацца на культурных праектах? Што магла б даць Беларусі Нобэлеўская прэмія міру?
Пра гэта ды іншае з Алесем Бяляцкім гутараць Ганна Соўсь і Сяргей Дубавец.
