Нацболаў пераследуюць за расцяжку "Усіх не пасадзіш!"

Сёння кватэры адразу некалькіх актывістаў арганізацыйнага камітэта
па стварэнні нацыянал-бальшавіцкай партыі ў міліцэйскай аблозе.

Ля дзвярэй кватэр Дзмітрыя Паліенкі, Дзяніса Сахара і Яўгена Контуша дзяжураць міліцыянты і невядомыя людзі ў цывільным. Перыядычна яны тэлефануюць у дамафон і дзвярны званок і патрабуюць ў актывістаў прайсці з імі ў аддзяленне міліцыі.

Актывісты лічаць, што дзеянні праваахоўнікаў звязаныя з нядаўняй
акцыяй нацболаў супраць палітычна матываваных пераследаў, 
падчас якой ля галоўнага ўваходу ў парк Чалюскінцаў была вывешаная
расцяжка "Усіх не пасадзіш!".
Стала вядома, што нацбол Аляксандр Палякоў ужо затрыманы. Яго адвезлі ў РУУС Заводскага раёна Менска.