Баранавічы: экс-кандыдата ў дэпутаты Рыгора Грыка звольнілі з працы

Экс-кандыдата ў дэпутаты Рыгора Грыка 15 красавіка зволілі з ТАА “Сучасныя матэрыялы будаўнічыя”, дзе ён працаваў у якасці слесара-штампоўшчыка з лютага 2013 года. У загадзе аб звальненні за подпісам дырэктара прадпрыемства Галіны Буліга ўказваецца, што Рыгор Грык звольнены па ўзгадненні бакоў.

Сам грамадскі актывіст лічыць, што пасля выбараў у мясцовыя саветы гарвыканкам ўзмацніў ціск на адміністрацыю прадпрыемства з мэтаю яго звальнення. Рыгор Грык быў кандыдатам ў дэпутаты Баранавіцкага гарсавета (выбарчая акруга № 15) і Брэсцкага абласнога Савета дэпутатаў (выбарчая акруга № 17).

– У 2008 годзе я балатаваўся ў Палату прадстаўнікоў і мяне звольнілі з Баранавіцкага баваўнянага камбінату. А ў 2010 годзе я адмовіўся зняць сваю кандыдатуру падчас выбараў у мясцовыя саветы, і мяне пазбавілі працы ў вагонным дэпо, дзя я працаваў слесарам па рамонту чыгуначнага транспарту. Цяпер мне стварылі такія ўмовы працы, што я вымушаны быў напісаць заяву аб звальненні, – паведаміў Рыгор Грык.