Участковая камісія сфальсіфікавала рашэнне аб пазбаўленні акрэдытацыі назіральніцы (дакумент)

Учора, 22 сакавіка ў 16:03, старшыня ўчастковай камісіі № 47 Куйбышаўскай выбарчай камісіі № 46 па выбарах дэпутатаў Мінскага гарадскога савета Заляшчук Уладзімір Кірылавіч, намеснік начальніка Упраўлення адукацыі, спорту і турызму Савецкага раёна па фінансава-гаспадарчай дзейнасці (месца працы – г. Мінск, вул. Якуба Коласа 13, кабінет 21, працоўны тэлефон +375 17 296 65 62), уручыў назіральніцы кампаніі “Права выбару”Настассі Александровіч рашэнне № 1 названай участковай камісіі ад 21 сакавіка 2014 г. аб пазбаўленні яе акрэдытацыі на гэтым участку.

У якасці прычыны пазбаўлення акрэдытацыі пазначана “парушэнне Выбарчага кодэксу Рэспублікі Беларусь” (без аніякага дадатковага тлумачэння, у чым менавіта заключалася гэтае “парушэнне”).