У Мінску затрыманыя ўдзельніцы праекта “Назіранне за выбарамі: тэорыя і практыка” (абноўлена)
Удзельніцы праекта па назіранні за выбарамі Ганна Аземша і Паліна Бродзік сёння, 14 сакавіка, мусілі праводзіць трэнінг для назіральнікаў на мясцовых выбарах.
Калі яны ехалі ў аўтамабілі, у якім знаходзілася неабходная для правядзення мерапрыемства канцылярская прадукцыя і брашуры для назіральнікаў, на вуліцы Гусоўскага іх спыніла ДАІ. Супрацоўнікі ДАІ патлумачылі, што іх аўтамабіль спынены па падазрэнні ў здзяйсненні ДТЗ, і папрасілі дзяўчат праехаць з імі для дагляду аўтамабіля.
У РУУС Фрунзенскага раёна Мінска, куды даставілі Ганну Аземшу і Паліну Бродзік, была аформлена працэдура вымання друкаванай прадукцыі. Таксама ў пратаколе дагляду аўтамабіля пазначана, што яны не маюць афіцыйных папераў пра выраб гэтай прадукцыі.
Каля 21:00 дзяўчат адпусцілі з РУУС.
