У Магілёве кандыдаты не спяшаюцца ствараць свае выбарчыя фонды

На 5 сакавіка 2014 года стварылі свае ўласныя выбарчыя фонды толькі 10 кандыдатаў у дэпутаты Магілёўскага гарадскога Савета дэпутатаў. Сярод дэмакратычных кандыдатаў гэта актывіст “Руху за Свабоду” Уладзімір Пунчанка і актывіст “Грамадзянскага форума” Юрый Стукалаў.

 Нагадаем, што з 2014 года кандыдатам у дэпутаты не выдаткоўваюцца сродкі на вядзенне перадвыбарчай агітацыі. У адпаведнасці з артыкулам 48 Выбарчага кодэкса Рэспублікі Беларусь кандыдаты мусяць самі фарміраваць свае фонды. Яны не павінны перавышаць 10 базавых велічынь, калі кандыдат балатуецца ў гарадскі Савет дэпутатаў.

“Праваабаронцы за свабодныя выбары”