У Бярозе ўсе міліцэйскія сілы былі кінутыя на трох раздатчыкаў бюлетэняў (фота)
Не паспеў старшыня Аб’яднанай грамадзянскай партыі Анатоль Лябедзька прыехаць у Бярозу для раздачы бюлетэняў “Голас розуму”, як яго ўжо там чакаў чалавек у цывільным. Ён прадставіўся капітанам, але дакументаў не паказаў, узяў бюлетэнь,тыцнуў пальцам у карыкатуру “Мацька народца БССР” і сказаў:
- Гэта супраць прэзідэнта.
Лябедзька спытаў:
- А дзе выбачыце прэзідэнта. Ну калі лічыце, што гэта прэзідэнт, то няхай будзе ваш прэзідэнт.
Малады чалавек адыйшоў. Неўзабаве на месца раздачы бюлетэняў прыехалі 4 міліцэйскіх аўтамабілі. Спачатку падыйшоў намеснік старшыні раённай выбарчай камісіі Аляксандр Крагель –работнік ідэалагічнага аддзела райвыканкама і спытаў, што тут праводзіцца. Яго цікавіў кандыдат у дэпутаты ад АГП, прысутны пры раздачы Андрэй Буранка.Затым па чарзе сталі падыходзіць міліцыянты і дапытвацца, што тут праводзіцца.
- Яны запатрабавалі тлумачальную ад старшыні Бярозаўскай раённай АГП Аляксандра Кабанава, якую ён напісаў тут жа ў міліцэйскім аўтамабілі, і яго адпусцілі.
Затым перапісалі дадзеныя старшыні Брэсцкага абласнога аддзялення АГП Уладзіміра Вуека і самога Анатоля Лябедзькі.
Увесь час ішла відэаздымка, якую рабіў ужо сумнавядомы ў Бярозе чалавек ў чорным.
Не абыйшлося і без “цітушкі”, які крыкам крычаў, што бачыў, як раздавалі лістоўкі. Пасля слоў “медаль сабе зарабляеце” ён кінуўся да групы з кулакамі са словамі: “вы ещё мне угрожаете!”, але быў спынены міліцыянтамі, якія перапісвалі дадзеныя Вуека і Лябедзькі. Пасля перапісу дадзеных міліцыянты падыйшлі да “цітушкі”, які іх чакаў непадалёку.
"Праваабаронцы за свабодныя выбары"
