Бабруйск: Рэгістрацыю не прайшлі толькі сябры "Гавары праўду"?

Пакуль афіцыйныя крыніцы не спяшаюцца дзяліцца з бабруйчанамі падрабязнай інфармацыяй, якая тычыцца выбарчай кампаніі. Ад самага пачатку яе даюць малымі, нешматслоўнымі дозамі, і, нягледзячы на тое, што рэгістрацыя кандыдатаў у дэпутаты ў гарсавет прайшла яшчэ 21 лютага, іх імёны застаюцца таямніцай.

Сайт гарвыканкама сціпла паведамляе, што з 97 вылучэнцаў кандыдатамі сталі 88 чалавек. Яны будуць прэтэндэнтамі на 40 месцаў у гарадскім Савеце. "Восем чалавек не зарэгістраваныя з-за недакладнасці пададзеных дадзеных, адзін чалавек адклікаў заяву", - паведамляе афіцыйная крыніца.

Атрымліваецца, рэгістрацыю не прайшлі толькі вылучэнцы ад кампаніі "Гавары праўду". Нагадаем, ад іх вылучалася дзевяць прэтэндэнтаў, а рэгістрацыю прайшла толькі пенсіянерка Людміла Каверына.

“Праваабаронцы за свабодныя выбары”