“Праваабаронцы за свабодныя выбары” запрашаюць на прэс-канферэнцыю
24 лютага адбудзецца прэс-канферэнцыя кампаніі “Праваабаронцы за свабодныя выбары” па выніках рэгістрацыі кандыдатаў у дэпутаты мясцовых Саветаў дэпутатаў 27-га склікання.
Удзельнікі - каардынатары кампаніі Валянцін Стэфановіч (ПЦ “Вясна”) і Алег Гулак (Беларускі Хельсінкскі Камітэт).
Прэс-канферэнцыя адбудзецца ў офісе ПЦ “Вясна” па адрасе: г.Мінск, вул.Мяржынскага, 8-26. Пачатак аб 11-й гадзіне.
«Праваабаронцы за свабодныя выбары» — кампанія незалежнага назірання за падрыхтоўкай і правядзеннем выбараў у Беларусі. Арганізатарамі з'яўляюцца РПГА «Беларускі Хельсінкскі Камітэт» і Праваабарончы цэнтр «Вясна». Мэта - ацэнка выбарчага працэсу з пункту гледжання беларускага выбарчага заканадаўства і міжнародных стандартаў свабодных і дэмакратычных выбараў, інфармаванне пра высновы кампаніі беларускай грамадскасці і міжнароднай супольнасці.
