Жлобін: прызыўніка накіравалі да псіхіятра з-за ранейшага ўдзелу ў дзейнасці «Маладога фронту» (фота дакумента)

Жыхара Жлобіна Аляксандра Латышава, які з'яўляецца зараз прызыўніком, ваенкамат накіраваў прайсці абследаванне ў Гомельскім абласным псіхіятрычным шпіталі. Раённы псіхіятр-псіхолаг даў папярэдняе заключэнне, у якім напісана, што «скаргі не выказвае, накіроўваецца ў сувязі з удзелам у партыі «Малады фронт» (раней)».

Папярэдні дыягназ, які паставіў раённы псіхіятр - «расстройства асобы».

На дадзены момант Аляксандр Латышаў праходзіць абследаванне ў абласным псіхіятрычным шпіталі. Па папярэдніх дадзеных, ніякіх адхіленняў лекары ў яго не знайшлі.

ФОТА дакумента з сайта «Трезвый взгляд» spasemstranu.com