Вынікі мытнай экспертызы канфіскаванай у салігорца кнігі пра Лукашэнку дагэтуль невядомыя

Салігорац Аляксандр Малочка ўжо чатыры месяцы чакае вынікаў мытнай экспертызы кнігі за аўтарствам Валера Карбалевіча “Аляксандр Лукашэнка - палітычны партрэт”, канфіскаванай у яго 14 верасня 2013 года на памежным пункце “Каменны Лог”.

Паводле Ашмянскай мытні, 30 верасня кніга была накіравана на экспертызу ў Галоўнае ўпраўленне ідэалагічнай працы Гродзенскага аблвыканкаму. Заканадаўствам на адпаведную праверку адводзіцца 20 дзён, аднак дагэтуль аб яе выніках і лёсе кнігі Аляксандру Малочку не паведамілі.

У сувязі з гэтым салігорац накіраваў адмысловы запыту начальніку Ашмянскай мытні Івану Ніверкевічу з патрабаваннем азнаёміць яго з заключэннем экспертаў ды вярнуць кнігу, калі ў ёй не ўтрымліваецца “матэрыялаў экстрэмісцкага зместу, а таксама матэрыялаў, што ганьбяць гонар і годнасць Прэзідэнта Рэспублікі Беларусь”.