Гродна: збор подпісаў сумясцілі з пратэстам супраць расійскіх баз

26 студзеня сябры гродзенскай структуры Партыі БНФ правялі пікет па зборы подпісаў за свайго вылучэнца ў кандыдаты гарадскога Савета Вадзіма Саранчукова, старшыню рэгіянальнай арганізацыі. Акцыя праходзіла на вуліцы Ажэшкі паблізу кнігарні. Адначасна сябры партыйнай суполкі, згодна з агульнай стратэгіяй Партыі БНФ, выступілі супраць расійскіх вайсковых баз у Беларусі і раздавалі спецвыпуск “Навіны БНФ”. Да дрэўка з бел-чырвона-белым сцягам на знак салідарнасці з народам Украіны быў прымацаваны і жоўта-блакітны сцяжок.

   Збор подпісаў прайшоў без эксцэсаў. Ініцыятыўная група плануе збіраць подпісы за вылучэнне Вадзіма Саранчукова да 10-га лютага.

“Праваабаронцы за свабодныя выбары”