У Бярозе быў затрыманы адзін з арганізатараў акцыі “Стоп-падатак”
У Бярозе ля крамы Еўраапт ў 17.00 гадзін быў затрыманы супрацоўнікамі Бярозаўскага РАУС кіраўнік раённай суполкі Аб’яднанай грамадзянскай партыі Аляксандр Кабанаў разам з братам Яўгенам пад час раздачы ўлётак з заклікам падтрымаць акцыю “Стоп-падатак”.
Кажа Аляксандр Кабанаў:
- Мы распаўсюджвалі ўлёткі на стаянцы. Запрашалі людзей паўдзельнічаць у акцыі. Але як патлумачылі мне супрацоўнікі міліцыі, мяне ўжо тут чакалі на стаянцы каля крамы і каля кінатэатра. Супрацоўнікі міліцыі ў цывільным сядзелі ў машынах і чакалі майго з’яўлення.
На Аляксандра Кабанава і яго брата было складзены пратаколы і канфіскаваны ўлёткі. Праз паўтары гадзіны яны былі адпушчаны.
Па словах праваабаронцы Сяржука Русецкага, людзі маюць канстытуцыйнае права на выказванне сваіх думак, ле ўладам даўно напляваць на Канстытуцыю.
