Дабратвору – штраф за Майдан

Актывіста  Руху салідарнасці «Разам» Іллю Дабратвора 12 снежня суддзя суду Цэнтральнага раёна Менска Вікторыя Шабуня пакарала 8 базавымі велічынямі штрафу за пікет салідарнасці з Майданам 30 лістапада.  Суд цягнуўся 2 дні. Ноч перад пачаткам суду Ільля Дабратвор правёў у турме на Акрэсьціна.

Нагадаем, позна ўвечары 9 снежня да Дабратвора начакана завіталі супрацоўнікі міліцыі. Аднак дома знаходзілася жонка з непаўнагадовымі дзецьмі. Ёй паведамілі, што тэрмінова неабходна скласці пратакол апытання Іллі і доўга распытвалі, чаму мужа дагэтуль няма дома.

Толькі праз гадзіну, калі з’явіўся Ілля Дабратвор, супрацоўнікі міліцыі Цэнтральнага раёна пакінулі сям’ю ў спакоі, загадаўшы яму з'явіцца 10 снежня прыйсці ў Цэнтральны РАУС. 10 снежня ён быў затрыманы і адпраўлены на Акрэсціна.