Паведамленне для прэсы!
У Міжнародны дзень правоў чалавека, 10 снежня 2013 года, у Менску адбудзецца прэзентацыя альтэрнатыўнага дакладу Міжнароднай федэрацыі за правы чалавека (FIDH) і Праваабарончага цэнтра “Вясна” “Паўсюдныя парушэнні працоўных правоў і прымусовая праца ў Беларусі”.
Даклад праваабаронцаў нядаўна быў прадстаўлены ў Камітэце ААН па сацыяльна-эканамічных і культурных правах.
“Мы правялі ў ліпені бягучага года місію па даследаванні эканамічных і сацыяльных правоў, каб распавесці пра выкарыстанне на досыць шырокім узроўні прымусовай працы і цяжкіх эканамічных і сацыяльных умоваў, у якіх знаходзяцца многія беларускія грамадзяне. Мы змаглі пераканацца, што гэтыя рэшткі савецкай сістэмы дасягнулі яшчэ большых прапорцый і цяпер ўяўляюцца проста як нейкая абсурдная грымаса рэжыму, які на міжнародным узроўні сцвярджае, што застаецца апошнім сацыялістычным раем Еўропы”, - коратка адзначыў наконт гэтай місіі Карым Лахіджы, Прэзідэнт FIDH, у сваім выступе на III Беларускім праваабарончым форуме.
Запрашаем журналістаў і зацікаўленых асоб!
У прэзентацыі прымуць удзел:
Валянцін Стэфановіч, намеснік старшыні Праваабарончага цэнтру “Вясна”;
Павел Сапелка, юрыст, эксперт у галіне пенітэнцыярнага заканадаўства;
Гары Паганяйла, кіраўнік юрыдычнай камісіі РПГА “БХК”;
Аляксандр Ярашук, старшыня Беларускага Кангрэса дэмакратычных прафсаюзаў.
Пачатак у 11.00.
Месца правядзення – офіс ПЦ “Вясна”: вул. Мяржынскага, 8-26.
Тэлефон для даведак: (017) 280-23-11.
