Рок за правы чалавека: Музыка – не для катаванняў
Выпуск праваабарончага падкаста распавядае пра катаванні музыкай. Гукавыя напады з дапамогай цяжкога року практыкуюцца падчас допытаў у турмах кшталту Гуантанама і Абу-Грэйб, вязні якіх у сваёй большасці арабы, якія ніколі не чулі заходняй цяжкай музыкі, якая ў шэрагу арабскіх краінаў нават афіцыйна забароненая.
У 2008 годзе, да 60-годдзя Усеагульная дэкларацыі правоў чалавека, брытанскія праваабаронцы распачалі кампанію супраць катаванняў музыкай, апублікаваўшы спіс кампазіцыяў, якія выкарыстоўваліся з варварскай мэтай у Гуантанама.
♫ Limp Bizkit
♫ AC/DC
♫ Metallica
Камапазіцыі гэтых гуртоў увайшлі ў “катавальны” плэй-ліст, празваны “Guantanamo’s Greatest Hits”, але не ўсе рокеры выступаюць супраць прапаганды гвалту праз іх музыку. Для каго з іх прыкладам можа стаць легендарны
♫ Джон Ленан
і чаму – слухайце самі!
Таксама вядучыя Кася Яновіч і Валянцін Стэфановіч не прамінулі пагаварыць і пра вядомыя праваабаронцам “экзатычныя” спосабы катаванняў у мінскай “амерыканцы”.
“Рок за правы чалавека” - аўтарская праграма Праваабарончага цэнтра “Вясна” пра вядомых рок-актывістаў, якія верылі і вераць у human rights. Пра тое, як з удзелам музыкаў, праз іх творчасць уздымаюцца і вырашаюцца набалелыя праблемы грамадства.
Слухаць выпуск:
