Бяроза: забаронены пікет салідарнасці з палітвязнямі
Пікет планаваўся на 10 лістапада на Цэнтральным гарадскім стадыёне – дазволеным уладамі месцы. Тэма пікету: выказванне салідарнасці з палітвязнямі і патрабаванне іх вызвалення.
Адмова ў пікеце падпісана намеснікам кіраўніка Бярозаўскага райвыканкама Яўгенам Тарасюком.Прычына: няма дамоў з адпаведнымі службамі паводле Законаў РБ ад 30 снежня 1997 года, 7 жніўня 2003 года і Рашэння райвыканкама ад 9 лютага 2003 года.
І гэта пры тым, што райвыканкам пастаўлены праваабаронцамі ў вядомасць, што з міліцыяй можна скласці дамову толькі пасля падачы заявы ў райвыканкам, а райвыканкам сам звязваецца з міліцыяй для абслугоўвання пікету. Гэта прапісана ў Пастанове Савета Міністраў ад ад 2012 года № 207. Таксама заяўнікамі быў дасланы ў райвыканкам дакумент з райбальніцы, якая паведамляе, што няма адпаведнай Пастановы на абслугоўапнне пікету, як няма і прэйскуранта.
Дык у чым віна заяўнікаў пікету? Чаму парушаецца іх канстытуцыйныя правы на свабоду выказвання думак і свабоду мірных сходаў, гарантаваныя Канстытуцыяй?
Гэтае пытанне праваабаронцы вырашаюць у судзе.
Гэты ўжо трэці пікет запар за апошнія 3 месяцы, не дазволены ўладамі.
