Увага! Шукаем і навучаем назіральнікаў за масавымі мерапрыемствамі
“Кожны мае права на свабоду мірных сходаў…”
З арт.20 Усеагульнай дэкларацыі правоў чалавека
Нягледзячы на тое, што права на свабоду сходаў гарантаванае Канстытуцыяй Рэспублікі Беларусь і агульнапрызнанымі міжнароднымі стандартамі ў галіне правоў чалавека, шматлюдныя і тым больш санкцыянаваныя масавыя мерапремствы адбываюцца ў нашай краіне вельмі рэдка - тры разы на год.
Калі хочаце паназіраць, якім чынам рэалізуецца права на свабоду сходаў у Беларусі, якія асаблівасці правядзення масавага мерапрыемства паводле нацыянальнага заканадаўства, у якіх выпадках гэтае права можа быць абмежаванае – далучайцеся да сумеснага назірання Праваабарончага цэнтра “Вясна” і Беларускага Хельсінкскага камітэта!
Мы прапануем прайсці навучанне па назіранні як форме грамадскага кантролю ўвечары 29 кастрычніка (аўторак, з 19.00 да 20.30), а таксама паўдзельнічаць у назіранні за традыцыйным шэсцем і мітынгам памяці продкаў «Дзяды» 3 лістапада (нядзеля).
Для ўдзелу ў назіранні неабходна:
1. запоўніць заяўку;
2. прайсці трэнінг па назіранні 29 кастрычніка – па выніках можна будзе атрымаць пасведчанне назіральніка ад БХК;
3. прыняць удзел у назіранні 3 лістапада з запаўненнем анкеты назіральніка.
Да таго ж, назіральнікі павінны прытрымлівацца прынцыпаў назірання, пазначаных у анкеце.
Увага! Грамадскае назіранне адбываецца на добраахвотнай аснове, як функцыя і асабістая пазіцыя ўдзельнікаў, і не аплочваецца арганізатарамі!
Па ўсіх пытаннях звяртайцеся на электронную скрыню: viasnapryjdzie@gmail.com.
