Беларускія палітвязні - у шорт-лісте прэміі Сахарава "За свабоду думкі"

30 верасня стаў вядомы кароткі спіс прэтэндэнтаў на Прэмію "За свабоду думкі" імя Андрэя Сахарава. Сярод прэтэндэнтаў на прэмію у Камісіі па замежных справах Эўрапарламэнта былі названыя  беларускія палітвязні  Алесь Бяляцкі, Эдуард Лобаў і Мікалай Статкевіч, а таксама Эдвард Сноўдэн (ЗША) і пакістанская школьніца-праваабаронца Малала Юсуфзай.
Нагадаем, што кандыдатуру беларускай апазіцыі намінаваў еўрадэпутат ад Польшчы Марэк Мігальскі разам з Яцэкам Пратасевічам і Філіпам Качмарэкам.

Канчатковы пераможца будзе абвешчаны 10 кастрычніка старшынямі ўсіх дэпутацкіх груп, якіх у Эўрапарламенце сем. Урачыстае ўручэньне прэміі адбудзецца ў Страсбуры 20 кастрычніка.

Прэмія імя Сахарава, заснаваная ў 1998 годзе, мае грашовую вартасць у 50 тысяч еўра і з’яўляецца галоўнай узнагародай Эўразвязу ў галіне правоў чалавека.

Раней прэмію Сахарава атрымлівалі кіраўнік руху «За свабоду» Аляксандр Мілінкевіч і Беларуская асацыяцыя журналістаў.

Аналагічнай  па назве прэміяй міра імя Андрэя Сахарава Алесь Бяляцкі быў уганараваны Нарвежскім Хельсінскім камітэтам у 2006 годзе.