За бел-чырвона-белы сцяг — 5 сутак арышту

30 жніўня ў Менску супрацоўнікамі міліцыі быў затрыманы прадпрыймальнік Ілля Дабратвор.

Верагоднай прычынай затрымання актывіста называюць эпізод, калі каля 20 гадзінаў вечара  Ілля праехаў у метро з разгорнутым бел-чырвона-белым сцягам у гонар вызвалення лідара «Маладога фронту» Зміцера Дашкевіча. На станцыі метро «Уручча» Іллю Дабратвора затрымалі супрацоўнікі міліцыі.

У той жа дзень яго адвезлі ў ізалятар часовага ўтрымання на вуліцу Акрэсціна.

2 верасьня адбудзецца суд над прадпрыймальнікам. Падрабязнасьці высвятляюцца.

Ілля Дабратвор з'яўляецца актывістам Руху салідарнасці «Разам» (Чэхія). За ўдзел у акцыях апазіцыі яго падвяргалі штрафам і арыштам.

***

Іллю Дабратвора абвінавачваюць у дробным хуліганстве (арт. 17.1 КаАП РБ). Справу разглядае суддзя Сяргей  Бандарэнка.

Прысуд - 5 сутак арышту.