Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай беларускай радыёстанцыі “Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.
Анонс выпуску:
“Хроніка пераследу”: за што затрымалі журналіста БелаПАН Васіля Сямашку, як змяніліся ўмовы ўтрымання Арцёма Пракапенкі і дзе адбудуцца пікеты супраць расійскіх авіябазаў.
"Падзея тыдня" – арышт актывіста Уладзіміра Яроменка на тры месяцы за парушэнне правілаў прэвентыўнага нагляду.
"Асоба. Дзяржава. Грамадства": госця рубрыкі - Валянціна Акуліч, яе сын памёр у ізалятары часовага ўтрымання Светлагорскага РАУС. Больш за год жанчына звяртаецца ў праваахоўчыя органы, але так і не можа дабіцца праўды.
У музычных паўзах - песні гурта "Дзеці Дзяцей".
