У цэнтры Оршы – акцыя ў падтрымку Бяляцкага

Увечары 4 жніўня актывістамі ПЦ “Вясна” было раздадзена некалькі соцень улётак у падтрымку палітвязня Алеся Бяляцкага.  Па словах аднаго з удзельнікаў мерапрыемства Васіля Леўчанкава, частка прахожых выказвала ў той ці іншай ступені салідарнасць з палітвязнямі. Але былі і такія, хто ўпершыню чуў пра гэту праблему. Акцыя доўжылася каля 15 мінут і абышлася без затрыманняў.

Напярэдадні чацвёра аршанскіх актывістаў падавалі ў райвыканкам заяўку на правядзенне пікета ў парку адпачынку тэкстыльшчыкаў з мэтай прыцягнення ўвагі да праблемы палітвязняў, але мясцовыя ўлады традыцыйна забаранілі такую акцыю, спаслаўшыся на адсутнасць дагавароў з міліцыяй і медыцынскай службай. Заключыць жа такія дамовы ў Оршы немагчыма.