Брэст: паштоўкі пра Бяляцкага распаўсюдзілі ў цэнтры горада (фота)

5 жніўня брэсцкія праваабаронцы зладзілі інфармацыйную акцыю ў падтрымку кіраўніка Праваабарончага цэнтра “Вясна”, віцэ-прэзідэнта Міжнароднай федэрацыі за правы чалавека Алеся Бяляцкага, які ўжо два гады знаходзіцца за кратамі.

Як паведаміў адзін з удзельнікаў акцыі Юрый Жыдовіч, у цэнтры Брэста мясцовым жыхарам і гасцям горада актывістамі праваабарончага руху былі раздадзеныя інфармацыйныя паштоўкі, прысвечаныя Алесю Бяляцкаму, а таксама паштоўкі для іншых палітычных зняволеных у Беларусі.