Брэст: пачалася акцыя ў падтрымку скасавання візавага рэжыму
1 жніўня з абласнога цэнтра, што знаходзіцца на паўднёвым захадзе Беларусі, стартавала “Падарожжа на край зямлі”, якое ладзяць прадстаўнікі Задзіночання беларускіх студэнтаў.
Удзельнікі акцыі маюць намер напрацягу месяца праехаць каля шасці тысяч кіламетраў у падтрымку ідэі бязвізавага рэжыму і наведаць дзясяткі еўрапейскіх гарадоў, каб правесці там адмысловыя мерапрыемствы.
Вандраваць маладыя студэнты вырашылі аўтаспынам і хочуць сваім уласным досведам прадэманстраваць, што шмат хто ў Беларусі жадае свабодна падарожнічаць па краінах Еўрапейскага звязу.
Варта нагадаць, што ў сваю чаргу адной з умоваў для падпісання Беларуссю дамовы з Еўразвязам аб адмене візавага рэжыму з’яўляецца адпаведнасць краіны еўрапейскім стандартам у прытрымліванні правоў і свабодаў чалавека, а таксама забяспечэння належнага ўзроўню дэмакратыі ў дзяржаве.
