Вярхоўны суд разглядае скаргу аб’яднання «За справядлівыя выбары»
31 ліпеня ў Вярхоўным судзе Беларусі пачнецца разгляд скаргі на Міністэрства юстыцыі, якое адмовіла ў дзяржаўнай рэгістрацыі праваабарончаму грамадскаму аб’яднанню «За справядлівыя выбары». Пачатак у 10 гадзін.
Нагадаем, у сакавіку 2013 года ў Менску прайшла ўстаноўчая канферэнцыя праваабарончага грамадскага аб’яднання “За справядлівыя выбары”.
У канферэнцыі ўдзельнічалі больш за100 прадстаўнікоў з розных гарадоў Беларусі. Дэлегаты канферэнцыі зацвердзілі статут арганізацыі, абралі кіруючыя органы. Сустаршынямі новай праваабарончай арганізацыі былі абраныя Сяргей Калякін і Віктар Карняенка.
Гэта другая спроба зарэгістраваць грамадскае аб'яднанне. Першая была зробленая ў 2011 годзе пасля прэзідэнцкай кампаніі 2010 года.
Скаргу на Мінюст падавалі ў Вярхоўны суд Сяргей Калякін, Віктар Карняенка і Валерый Ухналёў.
***
Суддзя - Валерый Самалюк, Прадстаўнік Генеральнай пракуратуры - Зданоўскі, адказчык ад Міністэрства юстыцыі - Паплаўская.
Заслухаўшы бакі і разгледзеўшы матэрыялы справы Вярхоўны суд Беларусі венесе рашэнне па скарзе аб адмове ў рэгістрацыі грамадскаму аб’яднанню «За справядлівыя выбары» 1 жніўня.
