Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай беларускай радыёстанцыі “Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.
Анонс выпуску:
“Хроніка пераследу” - аб жыцці беларускіх палітвязняў за кратамі, новая інфармацыя пра асуджаных да смяротнага пакарання ў Беларусі.
“Падзея тыдня” - рэакцыя міжнародных праваабарончых арганізацыяў на візіт раней невыязнога міністра замежных спраў Беларусі Уладзіміра Макея ў Брусель.
Госць рубрыкі "Асоба. Дзяржава. Грамадства" - жыхарка горада Светлагорска Гомельскай вобласці Валянціна Акуліч, якая вось ужо год вядзе безвыніковую перапіску з органамі міліцыі, следчага камітэта і пракуратуры. 26 траўня 2012 года ў ізалятары часовага ўтрымання Светлагорскага РАУСа памёр яе сын.
У музычных паўзах для вас прагучаць песні ў выкананні гурта “Індыга”.
Слухаць выпуск:
