Паўлу Севярынцу перадалі паштоўкі салідарнасці

Па штомесячнай традыцыі бярозаўскія актывісты наведалі палітвязня Паўла Севярынца. Яны забяспечылі яго крынічнай вадой, прадуктамі і перадалі паштоўкі ад сем’яў, якія прынялі ўдзел у акцыі салідарнасці “Тыдзень палітвязня”. Мінулы тыдзень быў прысвечаны Паўлу Севярынцу. Павел падзякаваў салідарных з ім за цёплыя словы, дадаў, што ўжо атрымаў паштоўкі з Брэста.

Севярынец лічыць, што акцыя не паскорыць вызвалення палітвязняў, але вельмі добра тое, што міліцыя і канваіры бачаць, што палітзняволеныя не забытыя.