Івана Амельчанку затрымалі ў Ленінскім РАУС
Моладзевы актывіст Іван Амельчанка затрыманы ў РАУС Ленінскага раёну і дастаўлены ў Цэнтр ізаляцыі правапарушальнікаў на Акрэсціна. На яго складзены адміністратыўны пратакол. Разгляд справы адбудзецца заўтра ў судзе Ленінскага раёну Менска.
Іван Амельчанка вырашыў самастойна прыйсці ў міліцыі, паколькі яго цягам апошніх тыдняў пастаянна спрабавалі выклікаць праз бацькоў для дачы тлумачэнняў па справе аб масавых беспарадках 19 снежня 2010 года.
Іван звязаўся з участковым міліцыянтам, і яго выклікалі спачатку ў апорны пункт у мікрараёне “Лошыца”. Адтуль яго накіравалі ў Ленінскі РАУС, куды ён зайшоў прыкладна а 16:30. Адваката разам з Іванам Амельчанкам не прапусцілі.
Нагадаем, што Іван Амельчанка падчас селетняга “Чарнобыльскага шляху” зладзіў перфоманс, стаўшы побач з відэааператарам у цывільным з плакатам “Мусарок”.
