Шматдзетную маці Тацяну Гацуру "павіншавалі" з днём нараджэньня штрафам
Тацяна Гацура. Фота Радыё Свабода
Сёньня ў Менску каля дому асобамі ў цывільным была затрыманая Тацяна Гацура. Затрыманьне адбылося ў 9-20. Яна паспела паведаміць, што яе вязуць у Цэнтральны РУУС.У судзе Цэнтральнага раёна Менска Тацяну Гацуру пакаралі штрафам у памеры 20 базавых велічынь за ўдзел у несанкцыянаваным мерапрыемстве.
Нагадаем, што шматдзетная маці Тацяна Гацура 6 сьнежня накіравала кіраўніку краіны свой зварот, у якім папрасіла памяняць сьмяротнае пакараньне Дзьмітрыю Канавалаву і Ўладу Кавалёву на пажыцьцёвае зьняволеньне. Каб перадаць зварот Аляксандру Лукашэнку Тацяна Гацура наладзіла пэрформанс. Разам зь дзесяцігадовым і дзевяцігадовым сынамі яна выйшла на вуліцу з плакатам «Спадар прэзідэнт, у мяне чацьвёра дзяцей, хто гарантуе ім права на жыцьцё?»
Сёньня у Тацяны Гацура -- дзень нараджэньня. Ёй споўнілася 31 год.
