Праваабарончая праграма "Вясна"
Кожны аўторак у 20:05 па беларускім часе ў эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Каментар: 25 сакавіка, у Дзень волі, Лукашэнка абвесціў сваю інаўгурацыю. На гэта адрэагавалі беларускія праваабаронцы, выступіўшы з супольнай заявай.
Падзея: У межах 58 сесіі савета ААН па правах чалавека прайшоў інтэрактыўны дыялог, падчас якога група незалежных экспертаў прэзентавала даклад аб сітуацыі з правамі чалавека ў Беларусі. А беларускі рэжым, іншыя краіны і НДА яго пракаментавалі. Што яны гаварылі?
Каментар эксперта: Працоўная группа ААН па адвольных затрыманнях разглядзела зварот юрыстаў "Вясны" і прызнала зняволенне Марфы Рабковай адвольным і палітычна матываваным. А над зваротам працавала ў тым ліку і юрыстка “Вясны” Святлана Галаўнёва.
