Праваабарончая праграма "Вясна"
Кожны аўторак у 20:05 па беларускім часе ў эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Падзея: Працягваецце “Роўны сакавік”— месяц, прысвечаны барацьбе з дыскрымінацыяй і прасоўванню роўнасці ды інклюзіі. Сярод мерапрыемстваў — і трэнінг “Негвалтоўны антыфашызм” ад праваабаронцы з “Human constanta” Валдзіса Фугаша.
“Я шчыра хачу аказацца ў тым моманце гісторыі, калі фашызм не будзе актуальны ніколі і ні для каго”, — адзначае Валдзіс Фугаш.
Па-за межамі: На сайце Прававой ініцыятывы можна знайсці Навігатар бяспечных перасоўванняў. У ім можна даведацца пра бяспеку наведвання і знаходжання ў любой краіне свету для беларусаў, якія знаходзяцца ў вымушанай міграцыі. Якія ж гэта краіны і па якіх прычынах наведваць іх небяспечна?
Праваабарончы слоўнік: Што такое дагаворныя органы ААН? Якая роль камітэтаў і як яны працуюць?
