Праваабарончая праграма "Вясна"
Кожны аўторак у 20:05 па беларускім часе ў эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Падзея: Два гады таму быў вынесены прысуд чацвярым сябрам Праваабарончага цэнтра "Вясна".
"Абсалютна не верыцца, што мінула ўжо два гады з таго моманту і нашыя калегі знаходзяцца за кратамі ў невыносных умовах", — кажа равааабаронца "Вясны" Марына Кастылянчанка.
Тым часам адзін з асуджаных (завочна) Зміцер Салаўёў зладзіў у Варшаве пікет у падтрымку сваіх палітзняволеных калег:
"Страшны прысуд, сфальсіфікаваная цалкам справа", — падзяліўся праваабаронца Зміцер Салаўёў.
Каментар: Сустрэча "85-я угодкі першай савецкай дэпартацыі з Заходняй Беларусі ўглыб СССР" прайшла ў Варшаве. Зладзіў яе Беларускі гістарычны клуб.
"Рашэнне аб гэтай дэпартацыі было прынята ў Маскве, і яе вельмі добра падтрыхтаваў беларускі НКВД", — распавёў Ігар Станкевіч з Беларускага інстітута публічнай гісторыі.
Асоба: Алесь Міхалевіч — юрыст, які з’яўляецца сябрам Чэскай палаты адвакатаў. Таксама ён — былы кандытат у прэзідэнты 2010 года.
"Тады была дэмаверсія праграмы, а сёння гэта такая ўжо адпрацаваная прагама, дзе катаванні і ламанні чалавека адбываюцца на ўсіх этапах і ўсіх узроўнях", — адзначыў Алесь Міхалевіч.
