Палітвязень Сальмановіч працягвае ўтрымлівацца ў ШІЗА

Палітвязень Дзяніс Сальмановіч, які адбывае дзесяцігадовы тэрмін зняволення ў папраўчай калоніі №3 "Віцьба", працягвае ўтрымлівацца ў штрафным ізалятары (ШІЗА). Адтуль ён так і не вышаў пасля чарговага "пакарання".

Раней, 14 студзеня, паведамлялася, што Сальмановіча ў чарговы раз змясцілі ў штрафны ізалятар. На той момант ён там знаходзіўся ўжо два месяцы.

Як вядома, у Дзяніса Сальмановіча ёсць  захворванне — хранічны гломеруланефріт

"Хачу сказаць кіраўніцтву калоніі: Спыніцеся, вы ўжо столькі бед прынеслі людзям, знайдзіце ў сабе мужнасць не выконваць злачынныя загады, успомніце што ў вас таксама ёсць дзеці, ёсць бацькі", — напісала маці Дзяніса.

Нагадаем, Брэсцкі абласны суд 30 верасня 2022 года прызнаў Дзяніса вінаватым па некалькіх артыкулах Крымінальнага кодэкса і па сукупнасці абвінавачанняў прысудзіў яму пазбаўленне волі тэрмінам на 10 гадоў ва ўмовах узмоцненага рэжыму, а таксама штраф у памеры 6 400 рублёў.

І "тэрарыст", і "экстрэміст" адначасова: суровы прысуд палітвязню Дзянісу Сальмановічу

Брэсцкі абласны суд 30 верасня вынес жорсткі прысуд па крымінальнай справе палітзняволенага Дзяніса Сальмановіча. Яго абвінавацілі адразу па пяці артыкулах Крымінальнага кодэкса.