Палітвязню Сяргею Франчуку дадалі яшчэ паўгода зняволення
У судзе Бабруйскага раёна і горада Бабруйска 10 студзеня адбыўся разгляд ужо трэцяй крымінальнай справы супраць палітвязня Сяргея Франчука. На гэты раз яго абвінавацілі ў "абразе прадстаўніка ўлады" (арт. 369 КК). Суддзя Андрэй Літвін прызначыў Сяргею яшчэ шэсць месяцаў зняволення ў дадатак да трох з паловай гадоў калоніі, а таксама штраф памерам 50 базавых велічыняў (2 000 рублёў).
Нагадаем, Сяргей — стрыечны брат прадстаўніка АПК па абароне і нацбяспецы, былога намесніка камандзіра палка Каліноўскага Вадзіма Кабанчука.
Сяргея затрымалі 9 жніўня 2022 года. Летась яго двойчы запар асудзілі агулам да трох з паловай гадоў калоніі. Агульны тэрмін зняволення палітвязня цяпер складае чатыры гады.
![]()
У Бабруйску асудзілі палітвязня Сяргея Франчука і дадалі яшчэ паўгады калоніі
Яго абвінавацілі ў абразе Аляксандра Лукашэнкі паводле ч. 1 арт. 368 Крымінальнага кодэкса.