Абнаўленні "экстрэмісцкіх спісаў": хроніка пераследу 24 студзеня
У Беларусі не спыняюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць "экстрэмісцкімі матэрыяламі і фармаваннямі". Праваабарончы цэнтр "Вясна" 24 студзеня 2025 году збірае факты палітычнага пераследу беларусаў і беларусак.
Калі вас ці вашых блізкіх затрымалі, паведамляйце нам:
|
У Беларусі яшчэ 30 кніг дадалі у спіс забароненых да распаўсюду — сярод іх Чак Паланік
Міністэрства інфармацыі Беларусі дадала яшчэ 30 кніг у спіс забароненых да распаўсюду ў Беларусі друкаваных выданняў. Сярод іх раман Чака Паланіка "Калыханка" і "ГУЛАГ" Эн Эплбаум.
Агулам у спісе 65 пазіцый.
СК адсправаздачыўся, што вылічыў арганізатараў акцый беларусаў замежжа
"На сённяшні дзень выяўлены каардынатары такіх мерапрыемстваў у Еўрасаюзе і іншых краінах. Сярод іх: Польшча — Ціханоўская, Латушка, Фёдараў, Макаранка, Балкунец, Лапко; Аўстрыя — Дайнека, Свіркова; Вялікабрытанія — Хортан; Ізраіль — Фруман; Швецыя — Васэрман; Германія — Таўбе; Італія — Юхно; Літва — Калегава і гэтак далей".
Ведамства пагражае даць "жорсткую і прынцыповую прававую ацэнку" гэтым людзям.
У "Спіс экстрэмістаў" дадалі Славу Камісаранку і яшчэ 21 чалавека
24 студзеня МУС зрабіла традыцыйны пятнічны апдэйт "Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".
Сярод іншых, у спіс дадалі стэндап-коміка Славу Камісаранку, а таксама IT-спецыяліста з Сянно Валера Мефадзіенку.
Чарговае папаўненне Спіса экстрэмісцкіх матэрыялаў
У яго трапілі:
- Telegram-каналы і чаты "Мирные Белоруски, Ангарская", "Бульвар Для Жизни", "Легіон Диванної Розвідки", "Європейський нігілізм", "Вестник Мракобеса", "Arthur Werner Дикий", "UA_REG TEAM";
- Instagram старонка "freebelarusians", "kharysava";
- Старонкі праекту "Кобыляки. Расстреляны в Орше";
- Старонка "Orsha.Eu" ва "Укантакце", а таксама яе лагатып.;
- Інфармацыйная прадукцыя "Сбор денег. Расследование джихада"; "Шиитская экспансия"; "Джихад ради Бога"; "Частная аренда"; "О салафизме"; "Если врач совершает набег на наши дома?"; "Дьявол"; "Безрассудное предупреждение через Игил. Вторая часть"; "Книга джихада"; "Безрассудное предупреждение через Игил. Первая часть"; "Специальный отпуск"; "Политика шариата"; "Безрассудное предупреждение через Игил. Третья часть"; "Мысли о ваххабизме"; "Напоминание о слугах"; "Книга рельефа в разделах устройства".