viasna on patreon

Праваабаронцы раяць падрыхтавацца да блакавання інтэрнэту ды распавядаюць, як звязацца з Гарачай лініяй "Вясны"

2025 2025-01-23T17:03:00+0300 2025-01-23T19:12:03+0300 be https://spring96.org/files/images/sources/vybary_belarus_25.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Прэзідэнцкія выбары 2020 года суправаджаліся маштабнымі абмежаваннямі доступу да інтэрнэту, што нанесла сур'ёзны ўдар па правах чалавека. У лістападзе мінулага года Аляксандр Лукашэнка прыгразіў поўным адключэннем інтэрнэту ў краіне. Ён заявіў, што калі падзеі 2020 года паўторацца, то інтэрнэт "адключым наогул". Праваабаронцы Human Constanta выказалі асцярогі з нагоды абмежавання ўрадам інтэрнэту ў краіне напярэдадні выбараў 2025 года. Гарачая лінія "Вясны" распавяла, як падрыхтавацца да блакавання і як звязацца з праваабаронцамі калі парушаюцца правы чалавека.

vybary_belarus_25.jpg

Асноўнымі каналамі сувязі з гарачай лініяй застаюцца акаўнты ў Telegram  @ViasnaSOS@SOSViasna. На выпадак, калі Telegram зусім не будзе працаваць, то з праваабаронцамі можна звязацца праз WhatsUp па нумары +37062375568 або ў Signal пад нікам @viasnasos.96. Гарачая лінія прымае тэкставыя звароты — званкі будуць адключаныя.

Нагадваем, што "Вясна" прызнаная "экстрэмісцкім фармаваннем", таму памятайце пра захады бяспекі.

"Вясну" прызналі "экстрэмісцкім фармаваннем": як цяпер супрацоўнічаць з намі?

Разбіраемся ў актуальных пытаннях аб супрацоўніцтве з Праваабарончым цэнтрам пасля прызнання яго "экстрэмісцкім фармаваннем".

Праваабаронцы распавядаюць, што на выпадак блакавання Telegram спосабам яго абыходу з'яўляецца падключэнне проксі. У гэтым канале t.me/ProxyMTProto можна лёгка падлучыцца да проксі: выбіраеце сервер і ціснеце кнопку connect, калі хуткасць павольная, то падлучаецеся да іншага серверу.

Яшчэ варта загадзя спампаваць некалькі VPN сэрвісаў на тэлефон і кампутар, залагініцца, усталяваць у сістэму падключэнне і пратэставаць. Ёсць платныя з бясплатным перыядам і бясплатныя VPN. Часцей яны платныя. Вы можаце падпісацца на бясплатны перыяд — звычайна гэта ад некалькіх дзён да месяца, а потым адключыць да даты аплаты. Усё гэта трэба зрабіць да асноўнага дня выбараў, у час блакавання інтэрнэту вы не зможаце спампаваць прыкладанні.

Ніжэй вялікі спіс VPN сэрвісаў якія раяць праваабарончыя арганізацыі. На IOS яны спампоўваюцца праз AppStore, а на андроідзе іх можна спампаваць як праз Google Play так і праз сайты сэрвісаў.

Пры поўнай блакіроўцы інтэрнэту, калі да мабільнага інтэрнэту падлучыцца VPN не дапамагае, то, магчыма, атрымаецца падлучыцца праз хатні інтэрнэт.

Вы можаце таксама паведаміць на гарачую лінію па вышэйзгаданых кантрактах аб парушэннях выбарчага заканадаўства, у прыватнасці прымусе да галасавання і іншых парушэннях. Гэтыя звесткі дапамогуць праваабаронцам у ацэнцы выбарчага працэсу.

Інструкцыі па бяспецы ад Human Constanta:

Магчымае адключэнне інтэрнэту ў Беларусі: выклікі бліжэйшай будучыні

З набліжэннем выбараў 2025 года эксперт_кі і праваабаронцы асцерагаюцца паўтарэння інтэрнэт-шатдаўна. У гэтым артыкуле разбяром, што ўяўляе сабой адключэнне інтэрнэту, як яно ўплывае на правы беларус_ак і што можа дапамагчы ў гэтай сітуацыі.

Што рабіць, калі напярэдадні выбараў 2025 адключаць інтэрнэт

У гэтым матэрыяле разгледзім розныя варыянты адключэння інтэрнэту, і раскажам як захаваць сувязь нават у самых экстрэмальных сітуацыях.

Апошнія навіны

Партнёрства

Сяброўства