У калідоры суда ў Смаргоні нехта крыкнуў «Жыве Беларусь» — і тут пачалося...

2021 2021-02-26T09:59:38+0300 2021-02-26T11:12:34+0300 be https://spring96.org/files/images/sources/piatrova-smargon.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Старшыня суду Смаргонскага раёна Алена Пятрова.

Старшыня суду Смаргонскага раёна Алена Пятрова.

У Смаргоні заведзеная крымінальная справа па артыкуле 339 КК «Хуліганства».

Гісторыя пачалася 18 лютага. У той дзень у Смаргонскім раённым судзе выносіўся прысуд па крымінальнай справе супраць Руслана Валюка і Ірыны Маркавай. Іх вінавацілі па артыкуле «Паклёп», маўляў, яны распаўсюджвалі ў Смаргоні улёткі, якія абражалі міліцыю. Раней па гэтым артыкуле да двух з паловай гадоў хіміі быў асуджаны рэдактар «Новай газеты Смаргоні» Рамуальд Улан, паведамляе "Наша Ніва".

У выніку Валюк атрымаў два гады хіміі, а Маркава — два гады хатняй хіміі. Калі прысуд ужо быў вынесены, то на калідоры суда нехта выгукнуў «Жыве Беларусь», некаторыя адказалі на гэта «Жыве». У той самы час у суседнім зале адбываўся разгляд крымінальнай справы на чале са старшынёй Смаргонскага суда Людмілай Пятровай.

Калі Пятрова пачула выгукі, то выйшла з залы, пачала казаць, што гэта непавага да суда, пагражала выклікаць міліцыю. Сама Пятрова стала ля турнікета і нікога не выпускала з памяшкання. Тады частка людзей проста адчынілі вокны і сталі адтуль выскокваць на снег. Цікава, што тое акно знаходзіцца проста насупраць раённай міліцыі.

Рамуальд Улан расказвае, што таксама быў на вынясенні прысуду, але падзеі ў калідоры ўжо не заспеў, бо спяшаўся на працу, таму сышоў раней.

«У той самы дзень дапыталі восем чалавек, але затрымалі толькі аднаго. На наступны дзень, у пятніцу, затрымалі чатырох чалавек, у тым ліку і мяне, — кажа спадар Улан. — Нас пратрымалі ў ізалятары да панядзелка, а ўжо потым суддзя Боландзь адправіў усе пратаколы на дапрацоўку, а людзей вызвалілі».

Апроч Улана, на суткі трапілі Яўген Новікаў, Ілля Петуноў, Людміла Сульжыцкая. А вось Сяргею Траю пашанцавала меней — ён адседзеў 5 сутак.

Пакуль затрыманыя знаходзіліся ў ізалятары, была заведзеная крымінальная справа па артыкуле «Хуліганства». Сярод падазраваных — усе тыя людзі, якія знаходзіліся на вынясенні прысуду Валюку і Маркавай.

Вялася відэаздымка працэсу, таму з падазраванымі праблем няма, а вось разглядзець на відэа, хто менавіта крычаў «Жыве Беларусь» не атрымліваецца, відэа кепскай якасці.

«Ціснуць вельмі моцна, мне кажуць, што хіміяй не абыдзецца, напрыклад», — кажа Рамуальд Улан. Ягоная апеляцыя будзе разгледжана ў Гродне 11 сакавіка, калі яна не скасуе пакаранне, то рэдактару давядзецца адправіцца на хімію.

Затрыманні ў Смаргоні працягваюцца, затрыманая маці дваіх непаўналетніх дзяцей Ніна Шыш, паплечнікі спадзяюцца, што яе адпусцяць на волю.

За расклейку ўлётак - па два гады абмежавання волі. У адказ на "Жыве Беларусь!" у суд выклікалі міліцыю 

Не абыйшдося без інцыдэнту. Пасля абвяшчэння прысуду ў калідоры скандавалі “Жыве Беларусь!”. Адразу ж старшыня суда Людміла Пятрова забараніла дзяжурнаму міліцыянеру выпускаць з суда прысутных, а сама мвыклікала міліцыю.

Апошнія навіны

Партнёрства

Сяброўства