Актывістку моладзевага руху Алану Гэбрэмарыям арыштавалі на 2 месяцы. Поўны спіс затрыманых студэнтаў Дапоўнена

2020 2020-11-14T12:50:38+0300 2020-11-14T19:52:43+0300 be https://spring96.org/files/images/sources/gebremariam-syd-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Алана Гебрэмарыям

Алана Гебрэмарыям

Актывістцы моладзевага руху Алане Гебрэмарыям абраная мера стрымання ў выглядзе заключэння пад варту на два месяцы.

Яна падазраваная, цягам 10 дзён ёй павінна быць прад'яўлена абвінавачваньне, у адваротным выпадку падазраванага павінны вызваліць. Алана цяпер знаходзіцца ў СІЗА КДБ, паведамілі Свабодзе ў Каардынацыйнай радзе.

Затрыманая 12 лістапада ў Менску актывістка «Задзіночаньня беларускіх студэнтаў» і ініцыятывы «Моладзевы блёк», член Каардынацыйнай рады па ўрэгуляваньні палітычнага крызісу ў Беларусі (КР), прадстаўніца Сьвятланы Ціханоўскай у справах моладзі і студэнтаў Алана Гебрэмарыям прызнаная падазраванай у крымінальнай справе.

Справу завялі за арганізацыю і падрыхтоўку дзеяньняў, што груба парушаюць грамадзкі парадак, альбо актыўны ўдзел у іх. Гебрэмарыям пагражае да трох гадоў пазбаўленьня волі, яна знаходзіцца ў СІЗА КДБ.

12 лістапада прайшлі ператрусы ў пяці актывістаў ЗБС, уключаючы Гэбрэмарыям. Учора ўвечары, паводле зьвестак праваабаронцаў, Ксенія Сырамалот, Ягор Канеўскі, Кася Будзько і Яна Арабейка таксама знаходзіліся ў КДБ.

Гэбрэмарыям дапамагала студэнтам, якія падпалі пад рэпрэсіі за сваю пазыцыю. Была кандыдаткай у дэпутаты Палаты прадстаўнікоў на выбарах 2019 году.

Поўны спіс затрыманых студэнтаў:

  • Ксенія Сырамалот, студэнтка ФФСН БДУ, прэс-сакратарка Задзіночання беларускіх студэнтаў і валантэрка "Вясны".
  • Алана Гебрэмарыям, выпускніца БДМУ, прыхільніца Рады Задзіночання беларускіх студэнтаў і актывістка Моладзевага блоку.
  • Ягор Канецкі, студэнт БДУ і прыхільнік Задзіночання беларускіх студэнтаў, актывіст Вольнага прафсаюзу
  • Яна Арабейка, студэнтка БДПУ і прыхільніца Задзіночання беларускіх студэнтаў.
  • Кася Будзько, студэнтка БДПУ і прыхільніца Задзіночання беларускіх студэнтаў.
  • Глеб Фінцэр, студэнт МДЛУ.
  • Вікторыя Гранкоўская, адлічаная студэнтка БНТУ.
  • Марыя Каленік, студэнтка БДАМ.
  • Анастасія Булыбенка, адлічаная студэнтка БНТУ.

Апошнія навіны

Партнёрства

Сяброўства